من كثر ما أحبك ..
أقسى على نفسي
وأقسى عليك.. !!!
ومن كثر ما اشتاق لك
اشعر إني أبيك ..
وأتناسى اجيك .. ؟!!
وأعيش لحظات غريبة ما يصدقها عقل
وتكذبها زفراتي وحنيني
يوم احتريك ؟؟!
ليه انا .. اعمل كذا
حب هذا .. وإلا جنون
وإلا فلسفة
يجاريها الظنون !!!
ليه انا كذا .. أقسى عليك
اوادعك وقت اللقا ..
ووقت الوداع ارجع واشرع لك أبواب الرضى !
وأرتجيك ترجعين ..؟!
ومرات اصنع في عيونك دمعتين
واجعل ضحكتك تجريييح
واكسر أنفاسك وله
وانثر عطرها للريح
واترك كحلك السائل على عيونك
وأقسى عليك !!!
ليه انا .. أقسى عليك
كل هذا فيه ادري !!!
وادري .. ليه أقسى عليك ؟!!
أبي أسوى منك ... جمرة !!
ترتجي في شتاء عمري .. نار
وأبيك مثل عصفوره
تدور لها فضا
وتشوفني في جناحيها .. سوار
وكل هذا فيه ادري
وادري ليه .. أقسى عليك !!
واكذب بعذري وأقول :
ليه انا .. اعمل كذا ؟؟؟
حب هذا .. وإلا جنون ؟!!!
وإلا فلسفة ..
يجاريها الظنون !!!
بس صرت ادري
ليه انا أقسى على نفسي
وأقسى عليك !
تعرفين ؟؟
كنت أحاول أملكك
واملك كل حسك
كل قلبك
وأجعلك تتعلقين فيني
ولا لغيري تدورين ..
اسمحي لي
كل هذا
من كثر .. ما احبك
أقسى على نفسي
وأقسى عليك
ومن كثر ما اشتاق لك
اشعر إني أبيك ..
وأتناسى اجيك .. ؟!!
ومن كثر ما أحتاجك أعجز...
أعترف إني......
أبيك..
وأقسى عليك ..
شفتي كيف أفكر وأتصور
شفتي تفكيري مبعثر
شفتي كيف حبك في داخلي
يتطور ..
ويتمحور ..
وخلاني أقسى على نفسي
وأقسى عليك ..!!! !!!
ارجوك سامحيني
واغفري زلات فكري
يا عيوني
آسف .. انا أقسى عليك
