جرح القلب اقوى من اى جرح

الجرح منك انتى وقلبك أسأليه
لو قلبى جرحه مرة كنتى عملتى أيه

,,,,,,

الجرح شىء فى طبعك لدرجة انه عادى
بيجرح قلبى حتى لو كان فى عيد ميلادى

,,,,,,

الجرح شىء محال لقلبك من غير سؤال
انا قلبى حب قلبك ويجرحه لا محال

,,,,,,

الجرح فى غيابك صعب دموع آهات فى بعد
وعيون دايما حزينة وقلوب تتمنى وعد

,,,,,,

الجرح زى الضباب على قلبى عامل سحاب
حاجز حب الاحباب مانع قرب الاصحاب

,,,,,,

الجرح استحالة يطيب منك محالة
حبيبتى انا حالى حالة دمرت كل الشعور

,,,,,,

الجرح عندك سهل خلانى بعد الشباب
وسنين مر وعذاب فى لحظة هبقى كهل

,,,,,,

الجرح انهار حزينة امواجه دموعنا فينا
مراكبه من غير شراع سفر من غير وداع

,,,,,,

الجرح اسوار مدينة كل سكانها حزينة
قلوبهم نار ورعد دايما قاسيين علينا

,,,,,,

الجرح هوة طبعك دايما ليه آسية
ترحلى وعايزة اسامحك وعاملة فيها ناسية

,,,,,,

الجرح منى استحالة ومستحيل انا قلبى حبك انتى
وعايزك دايما فى حضنه وعندى مليون دليل

,,,,,,

الجرح يعنى انتى بعتى ورحتى تركتى قلب حبك
قلب اشتراكى قلب عايش جواه هواكى

,,,,,,

الجرح منك صعب جدا فوق احتمالى ومستحيل
قلبى يسامحك واسالى قلبك يقلك ايه البديل

,,,,,,

الجرح ليه يختم حياتنا ده الحب كان مالى حكاياتنا
وذكرياتنا وقلبنا ليه الجرح يوصل يبقى جوه حلمنا

,,,,,,

الجرح هيفضل جوة قلبك طول عمرك يألمك
على قلبى اللى حبك واستحالة كان فى يوم هيظلمك

,,,,,,

الجرح جواكى هيفضل نفس تتنفسيه
واستحالة تقدرى تحسى غيره تغيريه

,,,,,,

الجرح مالى روحك جوة نبضك بين جروحك
هيألمك هيظلمك هيتعبك ملوش دوا يريحك

,,,,,,

الجرح عايش جوة منك قدام عنيكى فى قلب صمتك
الجرح جوة جوة نبضك بين ضلوعك فى قلب قلبك بيألمك

*******
************

ودائما الجرح يكوى القلوب ويبقى فى الذكريات ولا يدوب
واصعب الجروح جرح الحبيب لا يطيب ولا يزول

اعزرونى ان احزنتكم باول موضوع لى فى هذا المنتدى الجميل
وتحياتى لأغلى انسانة واقرب انسانة لقلبى هى السبب فى دخولى المنتدى
ويارب اكون مش مدايقكم

مشكوره اسير الصمت على ابداعكي
يسلمووووووووووووووو
تحاتي لكي

,,,,,,

الجرح فى غيابك صعب دموع آهات فى بعد
وعيون دايما حزينة وقلوب تتمنى وعد

مشكوررررررره اسيرة الصمت

تحياتي الك

[ندعوك للتسجيل في المنتدى أو التعريف بنفسك لمعاينة هذه الصورة]