فديتك .:::
ياسكون الحرف في حرفك الدافي مـدى
من قراك ينتهي بـ قـولـة فـديـتـك
[size=25]:::. أتذكرك .:::
أبسالك ليه اغتراب الوقت ياخذني معك ؟
ليه أسهرك ؟ليه انتظر واشتاق ؟
واكتب على الأوراق واتأملك ؟
ليه ارسم الليل العتيم ؟
واتذكر الحلم القديم واسترسلك ؟
ليه إن غفت عيني تتجمد يديني وان جيت ابنساك اتذكرك ؟؟!!
[/size]
[size=25]:::.مســحـور.:::
من كثر ماأحبك يقولون مسحور ..!!
وإن كان حبك سحـر ماابغى علاجه !
خله يسلي خافق/ ن / فيك مغرور
مادام سحرك غايته وابتهاجه
قلب/ن/ يحبك لاتخليه مقهـور
أدخل على الله لاتكدر مزاجه !
[/size]
[size=25]:::.جذاب.:::
أن طالت الجلسة وماحد حكى فيك..
تروح لك كل المشاعر بلا حساب ..
وأعيد اذكرهم بسوالف لياليك ..
قصدي اجيب لسيرتك عندي اسباب ..!!
ماعاد يسعدني أبد غير طاريك ..
ولا عاد غيرك صار للقلب جذاب ..!
[/size]
[size=25]:::.قلب عليل.:::
افترقنا وانكسر خاطر وخاطر
وانتي قلبك ما رحم قلب عليل
في عيوني كم ألم خافي وظاهر
والرضا في بسمة شفاتك دليل
[/size]
[size=25]:::.الصـراحه.:::
صديت مثلك والصراحه اشتقت لك
اترك الناس حولي واقعد اشره عليك
كم ذبحني غيابك واستحيت أسألك
بس بعرف ,, خيالي مايسير عليك ..!!
[/size]
[size=25]:::.تصبح على خير.:::
ياليتني عندك واحاكيك هاللحين
وعيني بعينكـ لين تصبح على خير
[/size]
[size=25]:::.خاطر مكسـور.:::
تبسم يابعد حسي بعد نبضي وكـل شعـور
تبسم واترك اللوعة علامـة مـن علاماتـي
تبسم واترك البسمة تجبر خاطـر ٍ مكسـور
ترى بسمة وهي بسمة تساوي كل ضحكاتـي
[/size]
[size=25]:::.سطــر.:::
ليه أنا ..
في دفتر أيامك سطر ..!
ودفتري
ما به لأحد غيرك مجال ..!
[/size]
[size=25]:::.دقيقـه.:::
أخــذت حـبـي وودي
وكـل أحاسيسي الرقـيقة
تـرى قلـبي على قـدي
وانـت دلـيت طـريقـة
تـبي جـوابــي وردي
ومشـاعري عـالحـقيقة
لـو هي ظـروفي بيـدي
مـا اغيـب عنـك دقـيقة
[/size]
[size=25]:::.ســم.:::
لجلك ابيع الناس والربع والـروح
ولجلك أذوق المر واقـول حالـي
ولجلك أعيش الحزن والدمع والنوح
ولجلك أصارع هم واقـول سالـي
أقول سم ولو تبي روحـي تـروح
ماحد ترى بالناس غيرك طرالي
[/size]
[size=25]:::. عشــاق .:::
ليتـك تعرف ان الهوى سهـم ذبـاح
وقلـوب عشـاق المحبة رقيقـه
وليتك تعرف اني ليا شفـت رقمك ارتاح
والقلب يسعد يوم يلقـى رفيقـه
[/size]
[size=25]:::. الغياب .:::
مهمـا ،، تمــادى بالغيــاب وغــاب
لعـل وعسـى يمكن يجـي بكــــرهـ
عنــدي أمــل وفيه الرجا ما خــاب
مصير الأيام تجمعنا واشم عطرهـ
ولو فرقتنا الليالي وانسدت الابواب
يكفيني اعيش بـاقي العمر على ذكـرهـ
[/size]
[size=25]:::. حلم .:::
تمرني مثل إنكساري وأكابـر
وأحاول أمنع لهفتي لاتناديـك
تمرني صوت مثل حلم عابـر
في ليلة ماتشبـه إلا تماديـك
بالله وشلون أكرهك وأنت خابر
إني أحبك .. كثر مااكره تجافيك
[/size]
[size=25]:::. أحفــاد .:::
ولدت من الفرح طفلٍ
وجبت من الحزن أطفال ..
وشاب الشعر في راسي !!
كأني توني أولدهم ..
وصاروا في عيوني حلم
وطفل الفرحهـ فقدتـه !!
وبقى لي من الحزن احفـاد
مناهم !! يبتدي يومي ..
[/size]
[size=25]:::. أغير الموضوع .:::
يضايقني الحكي عنك..وتشعل سيرتك نااااري
وأحس بضيقة في صدري...إذا لك مر أي طاري
كرهتك إنت وأيامك ولاباقي بعيني دموع
ولودار الحكي عنك أحب أغير الموضوع
[/size]
[size=25]:::. صعبــه .:::
ودي بشوفك كل مااصبحت وامسيت
ممساك فـي قلبي وصبحك بعينـي
ان قلت احط بداخل العين لك بيـت
خايـف يحول الرمـش بينك وبيني
وان قلت احطك داخـل القلب عييت
صعبه علي اخفيك عن شوف عيني
[/size]
[size=25]:::. لعبــه .:::
دنياك حلوه لاتهمك ظنونك
لاخير فيها كان خان القدر فيك
حرام أشوف الدمع يملي عيونك
يامالي قلبي من الحب ...وشفيك ؟
تقول حظك ياحياتي يخونك!
وش قولتي في حظي اللي غدر فيك!
ترى شجوني زودتها شجونك
خذ قلبي العب به لعله..... يسليك
[/size]
[size=25]:::. الشوق .:::
هذا حالي.. اخاف ابين حناني ثم تتكبر
واخاف ابين قسى قلبي وتنســـــاني
الشوق يكبر وجرحك والغلا يكبر
شف حبك اللي خذاني ويـــن وداني
[/size]
[size=25]:::. الخيانه.:::
هذي الرسايل والصور والهدايا..
وهذا قراري وانت حر بقرارك..
ليش انتظر والجرح وسط الحنايا
يصرخ وردة فعلك تزيد نارك
مات الوفاء والحب ماله بقايا
يومك جعلت من الخيانه شعارك
[/size]
