هلا باللي سبى قلبي

هلا باللي
سبى قلبي واخذنـي
حسنـه بقـوّه
سَلَبْ روحي واخذ صبري وأنفاسي من
يْديّـه

أحسّ انّه لعب
بالقلـب لعبـة شاطـر وْمَـوّه
يبعثرني ويجمعنـي
رجـا واحـلام ورديّـه

إذا نوّر ظلام الليل عرفـت ان الفجـر ضـوّه
تبسّمْ
من جبينه مبسم الصبح وضحـك ضيّـه

واذا سلهم برمشه طرت من جَوّي إلـى جـوّه
ورحّب
به خفوقي غصب عنّي قـال يـا حَيّـه

أثاريني بحسنه طحت وانا اظن الهـوى تـوّه
فكيف ان
الهوى توّه وانا غرقـان فـي طيّـه

تعلّقته وصار اليـوم نـوّ القلـب مـن نـوّه
مع
انّي قبل هـذا اليـوم كانـت نيّتـي نيّـه

قبل يطري الحسن حسنه لفظ قبل اسمه سْموّه
تسامت به
سنا الحسن وسرت له سحب وسميّه

تقول ارفق بمن حَبّك وعقب اللي تبـي سَـوّه
ترى
ميْتك إذا شافك تـرد الـروح بـه حَيّـه

حبيبي خاطري عن ما بـدا لـه عبّـر وْنـوّه
ومن
شرواك يفطن وانت شمس الخاطر وْفَيّـه

إذا كان الحيا يمنعـك مـا تمنعـك لِمْـروّه
واذا
خايف من الحِسّاد قِلْ لي طاحت الحِيّـه