تيجى أوصف لك طعم الخوف
طيب شوف
لما تلاقى الليل مستنى كتير فى سمانا
ومش عاوز يرحل
أو تسأل ع الفرح فى يوم
وتلاقى الأحزان أسهل
وأما يقابلك حد تحبه
ضاع عمرك وسنينك جنبه
ويمشى كأنه لا فى يوم عرفك ولا يوم يسأل
وأما تلاقى اللون الغالب على أحلامك
زى ورود مسقيه عطش
وبسرعة بتدبل
واللا تمد إيديك فى النار تلاقيها
باردة وهادية
ولا بتطفيها دموعنا المحبوسة
لما بتنزل
و أما القلب يدق بسرعة
لما يشوف أحبابه وينده ,, يصرخ
أو يتذلل
كل الوصف ده
كان للخوف
إوعى تقرب منه فى يوم
أصله عشانك
مش موصوف